Land og kommunur fingu meira skatt

Fleiri pengar komu í almennu kassarnar í januar í ár enn í januar í fjør.

Landskassin fekk átta milliónir krónur meira í skatti og kommunurnar slakar 11 milliónir.

A-inntøkan í januar var 986,6 mió. kr.

Í januar í fjør var hon 929,7 milliónir.

Tølini fyri januar í ár eru størri enn tey vóru í januar 2020, tað er, áðrenn korona kom.

Í innflutningsgjøldum fekk landskassin 194,4 milliónir í januar í ár, harav 180,3 í innflutningsmeirvirðisgjaldi. 

Hesi tøl vóru ávikavist 179 milliónir og 160 milliónir í januar 2021.