Smáar kvotur í avtaluni millum Føroyar og Bretland

Kvoturnar eru smáar í fiskiveiðuavtaluni millum Føroyar og Bretland, sum var gjørd í gjár.

Føroyar hava fingið 750 tons av kalva og 186 tons av toski.

Harafturat hava Føroyar fingið 1000 tons av rossamakreli og 400 tons av hýsu, tó við møguleika at samráðast um 1600 tons aftrat.

Og Føroyar hava fingið 300 tons av longu, 500 tons av blálongu og 30 tons av brosmu.

Bretar hava fingið 1000 tons av toski og hýsu, 1250 tons av upsa, 10 tons av kongafiski, 225 tons av longu og blálongu, 75 tons av flatfiski og 500 tons av øðrum fiskasløgum í føroyskum sjógvi.

Tað var Herluf Sigvaldsson, samráðingarleiðari sum skrivaði undir avtaluna við bretar.