Fleiri ábøtur skulu gerast í Vága- og Norðoyatunlunum

Fleiri ábøtur skulu gerast í Vága- og Norðoyatunlunum
Verður ókeypis at koyra í báðum tunlunum, skal Eysturoyartunnilin rinda fyri alla innkrevjingina
Sambært samferðslupakkanum skal verða ókeypis at koyra í Vága- og Norðoyatunlinum. Fíggjarnevndin viðger framvegis málið, men hevur freist til flaggdagin at leggja álit fram.
 
17.04.2022 - 17:24

Hóast Vágatunnilin og Norðoyatunnilin fyri stuttum eru dagførdir fyri ávikavist 36,5 milliónir og 35,1 millión krónur, skulu fleiri ábøtur gerast. 

Millum annað skulu ljósini í Norðoyatunlinum skiftast, og arbeiðið verður mett at kosta millum 10 og 12 milliónir kr.

Tað hevur fíggjarnevndin fingið at vita frá báðum tunnilsfeløgunum, nú nevndin viðger samferðslupakkan. 

Viftur skulu eisini skiftast í báðum tunlunum. Tær flestu eru frá tíðini, tunlarnir lótu upp. 

Skulu dagsins trygdakrøv haldast, skulu 125 metrar vera millum telefonirnar í tunlunum. Í løtuni eru 250 metrar millum telefonirnar, sum eru frá tí, at tunlarnir lótu upp.

 

Rinda eftir ferðsluni

Partafelagið Tunnil hevur raksturin, viðlíkahaldið og innkrevjingina av gjøldunum í Vágatunlinum, Norðoyatunlinum og Eysturoyartunlinum, og greiður skilnaður er millum tunnilsfeløgini.

Útreiðslurnar í partafelagnum Tunli verða býttar millum feløgini eftir ferðsluni í tunlunum. 

Í fjør rindaði Vágatunnilin 22,7 prosent av kostnaðinum, Norðoyatunnilin 36,5 prosent og Eysturoyartunnilin, sum hevði mestu ferðsluna, rindaði sløk 41 prosent av kostnaðinum hjá partafelagnum Tunli.

Sambært samferðslupakkanum verða sjey milliónir kr. latnar í stuðli til Eystur- og Sandoyartunlar fyri at lækka prísirnar.

Fíggjarnevndin hevur fingið at vita, at verður ókeypis at koyra í Vága- og Norðoyatunlinum, mugu Eystur- og Sandoyartunlar rinda fyri alla innkrevjingina. 

Meirkostnaðurin hjá Eysturoyartunlinum verður mettur til hálva triðju millión kr.

 

Freist til flaggdagin 

Fíggjarnevndin hevur tvær ferðir fingið longda freist at leggja fram álit í málinum um samferðslupakkan.

Seinna freistin er flaggdagin, 25 apríl.

Fíggjarnevndin hevur fund aftur um samferðslupakkan týsdagin. 


 

Er kopiera
Nýggjastu sendingar í ÚV
Fríggjadag 14. mars
Vikuskiftið 14. februar 2025
189224
Fríggjadag 14. mars
RagnarRokk: Simon Michael um Post Mortem
189180
Fríggjadag 14. mars
Breddin: Grønlendsk valbumba
189178
Fríggjadag 14. mars
Morgunlestur fríggjadagur 14. mars 2025
188901
Nýggjastu sendingar í SV
Fríggjadag 14. mars
Veðrið
189226
Fríggjadag 14. mars
Dagur og vika - teknmálstulkað
189208
Hósdag 13. mars
Always Outnumbered, Never Outgunned
189170
Mikudag 12. mars
Hondbóltur: Føroyar - Holland
189119
Mikudag 12. mars
Dagur og vika - teknmálstulkað
189087