Inntøkur frá sølu av almennum ognum kunnu fara í búskapargrunn

Bjarni Kárason Petersen, løgtingsmaður, spurdi Una Rasmussen, landsstýrismann í fíggjarmálum, hvat ætlanin er at brúka inntøkurnar av einskiljingum av almennum ognum til. 

Una Rasmussen, landsstýrismanni í fíggjarmálum, svarar at tað ber til at koyra inntøkur frá sølum av almennum ognum í búskapargrunn.

Fyrispurningurin er í trimum, har fyrsti partur snýr seg um inntøkur av einskiljing av almennum ognum.

Í øðrum lagi, hvat er at rokna sum inntøka av einskiljing.

Og í triðja lagi um inntøkurnar av eini møguligari sølu av almennu ognarlutuinum í Smyril Line og Tjaldu eiga at fara í Búskapargrunnin.

Uni Rasmussen

Úr almenna geiranum í privata

Til spurning 1 og 2 svarar Uni Rasmussen, at hugtakið einskiljing er lýst í frágreiðingini um einskiljingar frá 2001.

Har stendur, at einskiljing ella privatisering merkir at flyta framleiðsluvirksemi úr almenna geiranum til privata geiran.

Til triðja spurningin svarar landsstýrismaðurin, at tað er ivasamt, um søla av partabrøvum í vinnufeløgum, sum reka virksemi á haldilsligum grundarlagi, og har landið eigur ein avmarkaðan ognarlut, kann roknast sum einskiljing. Hetta hóast tað í dagligari talu javnan verður nevnt soleiðis.

Sølan av ognarlutunum í Smyril Line og Tjaldur metir Fíggjarmálaráðið ikki er ein einskiljing og verður tí ikki serstakt flutt í Búskapargrunnin.