Lógin um revsitiltøk móti Russlandi komin í gildi

Lógin um revsitiltøkini móti Russlandi kom í gildi á midnátt.

Lógin var lýst í gjár og kemur í gildi dagin eftir, at hon er lýst.

Løgtingið samtykti einmælt lógina, men ikki uppskotið, sum kom úr Uttanríkismálaráðnum.

Meirilutin í Uttanlandsnevndini broytti uppskotið.

Nú skal landsstýrismaðurin hava heimild frá løgtinginum, um hann ætlar at gera revsitiltøk, sum kunnu ávirka fiskiveiðusamstarvið hjá Føroyum. 

Ásett verður í kunngerð, hvørji revsitiltøkini vera. Tann kunngerðin ella tær kunngerðirnar vera nú gjørdar í Uttanríkismálaráðnum.