Fara nú undir fjórða byggistig á Óðinshædd

Gongd verður nú sett á fjórða byggistig hjá Bústøðum á Óðinshædd í Havn. 

Bústaðarfelagið hevur skrivað undir avtalu við byggifelagið HVT um at byggja 19 íbúðareindir og eitt felagshús, sum er partur av 4. byggistigi. 

HVT hevur eisini staðið fyri hinum trimum byggistigunum í verkætlanini. 

Annað byggistig, sum fevnir um 20 íbúðarundir, verður tikið í nýtslu í summar, meðan triðja byggistigið, sum eisini fevnir um 20 íbúðareindir, verður liðugt um ársskiftið. 

Fjórða byggistig verður eftir ætlan liðugt um ársskiftið 2023/2024.