Ministerium fyri ríkisfelagsskapin

Ministerium fyri ríkisfelagsskapin
Og ráðharrin skal vera antin úr Føroyum ella úr Grønlandi, sigur Konservativi flokkurin í uppskoti
Søren Pape Poulsen, floksformaður, vil hava aðalráð fyri ríkisfelagsskapin.
 
26.06.2022 - 09:55

Ríkisfelagskapurin skal hava sítt egna aðalráð í Danmark.

Og ráðharrin skal vera antin úr Føroyum ella úr Grønlandi.

Tað siga tey konservativu í Danmark, sambært Ritzau. 

Konservativi flokkurin sigur, at stjórnin hevur skyldu til at arbeiða hart fyri at styrkja ríkisfelagsskapin og fyri áhugamálunum hjá Føroyum og Grønlandi.

Besti mátin at gera tað er at stovna eitt aðalráð til ríkisfelagsskapin.  

Flokkurin vil eisini hava Danmarks radio at gera fleiri sendingar um Føroyar og Grønland. 

Og danski fólkaskúlin skal undirvísa meira um Føroyar og Grønland.

Tey konservativu siga, at fólkini í ríkisfelagsskapinum vita ov lítið hvørt um annað.

Ríkisfelagsskrivstovur

Uppskot er eisini um at stovna ríkisfelagsskrivstovur í seks býum í Grønlandi og eina í Havn. 

Og Føroyar og Grønland skulu eisini hava slíkar skrivstovur í Danmark.

20 mió. kr. skulu játtast um árið til at at reka aðalráðið.

Teir pengarnir skulu koma aftrat teimum, sum Uttanríkismálaráðið brúkar nú til ríkisfelagsskapin.

Uppskotið hjá teimum konservativu kostar 113 mió. kr. um árið, skrivar Ritzau.


 

Er kopiera
Nýggjastu sendingar í ÚV
Nýggjastu sendingar í SV
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226
Fríggjadag 14. mars
Dagur og vika - teknmálstulkað
189208
Hósdag 13. mars
Always Outnumbered, Never Outgunned
189170
Mikudag 12. mars
Hondbóltur: Føroyar - Holland
189119