Tórshavnar kommuna gjørt sáttmála um Havnará

Fyrsta byggistig, at gera eina opna á í miðbýnum í Havn, fer at kosta 9.458.000 krónur.

Tað er greitt, eftir at Tórshavnar kommuna í gjárkvøldið undirskrivaði sáttmála við byggifyritøkuna, J&K Petersen, um fyrsta byggistig.

Umsitingin hjá kommununi gjørdi útbjóðingartilfar til verkætlanina sambært skipanaruppskoti og projekttilfari.

Tríggir arbeiðstakarar vórðu bodnir at geva tilboð uppá verkætlanina. J&K Petersen átti lægsta tilboðið. Hinar báðar byggifyritøkurnar, sum bjóðaðu, vóru Húsavarðartænastan og Articon.

Tað eru Zeta Architects, sum hava gjørt uppskotið, har arbeitt verður við teimum trimum hugtøkunum botnur, áarbakki og vatn.

Byggingin fer fram í trimum stigum - fyrsta stigið fer í gongd eftir ólavsøku og verður liðugt til jóla.

Restin av arbeiðnum verður gjørt komandi ár í tveimum stigum, soleiðis at tað ikki órógvar høgtíðir og ólavsøku.

Samlaði kostnaðurin, fyri at fáa eina á at renna gjøgnum gjøgnum miðbýin í Havn, er mettur til 12 milliónir krónur.