Nú steðgar øll flúgving

Flogfelagð hevur sambært flogskiparunum brotið avtaluna um ikki at flúgva til ferðamál, har fleiri onnur flogfeløg longu flúgva, skrivar DR í dag.

Tí vilja flogskipararnir nú steðga avtaluni um at flúgva ferðafólk heim, skrivar fakfelagið, Dansk Metal

Sambært Dansk metal hevur SAS sent flogfør til væl umtókt ferðamál sum Rhodos, Kreta og Mallorca. Danskt metal vísir nú á, at fleiri møguleikar eru hjá ferðafólki at sleppa heim frá hesum ferðamálum, og SAS hevur tí brotið avtaluna við at flúgva eftir strandaðu ferðafólkunum

SAS svarar nú aftur og sigur, at felagið ikki eru samt í útsøgnini hjá flogskipararninum um, at tað eru fleiri møguleikar hjá ferðafólkunum at sleppa heim. Eitt talsfólk hjá SAS sigur, at felagið á ongan hátt hevur víst manglandi virðing fyri flogskiparunum ella nøkrum øðrum, ið eru sett í samband við hetta arbeiði. 

- Vit virða øll tey fyrisitingarligu krøvini, sum flogskipararfakfelagið hevur sett fyri at kunnu fremja allar neyðugar flúgvingar, sigur talsfólkið hjá SAS.

flogfelagið er nú eisini komið við einari skrivligari umbering, har dentur verður lagdur á, at SAS ger alt fyri at hjálpa ferðafólkum, ið eru komin í keðiligar støður orsakað av verkfallinum.