Stoltenberg takkar Turkalandi fyri kornavtalu

Aðalskrivarin í Nato, Jens Stoltenberg, takkar Turkalandi, eftir at fyrsta lastin við ukrainskum korni er farin úr havnini í Odesa í dag.

- Eg ynski fyrstu lastini av korni úr Odesa vælkomnari. Eg takki sameinda okkara, Turkalandi, fyri týðandi leiklutin í hesum máli, skrivar Stoltenberg á Twitter.

Hetta er fyrstu ferð síðani tíðliga í februar, at skip, sum er fermt við korni, er farið úr Ukraina.

Ferð komin á

Ferð er komin á útflutningin av korni, eftir at Russland og Ukraina 22. juli gjørdu hvør sína, men sama slag avtalu við Turkaland og ST um at senda korn úr Odesa.

Bæði londini vóru høvuðsútflytarar av matvørum til allan heimin.

- NATO-sameind taka fult og heilt undir við avtaluni fyri at bøta um altjóða matvørukreppuna, sum er íkomin, orsakað av russisku innrásini í Ukraina, sigur Stoltenberg.

Sí videomyndir frá AP-tíðindastovuni her: