Russiskur frælsisbólkur sigur seg hava ábyrgdina

Ukraina verður ákært fyri at hava lagt bilbumbuna, ið drap Darya Dugina, dóttur Alexander Dugin, ið er næsti samstarvsfelagi hjá russiska forsetanum, Vladimir Putin. Pápin sigst vera heilin aftan fyri innrásina í Ukraina. 

Men nú tekur ein russiskur frælsisbólkur ábyrgdina, og sigur seg hava skipað fyri atsóknini. Endamálið er at fella Putin við valdi, sigur frælsisbólkurin sambært danska TV2.

Alexander Dugina hevur í vesturlendskum fjølmiðlum fingið eyknevnið, 'heilin á Putin', tí hann millum annað hevur sett orð á hugskotini um, at Russland eigur at verða endurreist sum heimsveldi, at Vesturheimurin er høvuðsfíggindi Russlands, og at Ukraina aftur eigur at verða limað inn í Russland.