Japan kúvendir í spurninginum um kjarnorku

Japan kúvendir í spurninginum um kjarnorku
Fleiri kjarnorkuverk, sum lótu aftur eftir vanlukkuna á Fukushima-verkinum í 2011, lata nú uppaftur
Fumio Kishida, forsætisráðhari í Japan.
Mynd: Ritzau Scanpix  
 
24.08.2022 - 13:56

Japan ætlar nú at lata fleiri kjarnorkuverk uppaftur og at menna nýggj kjarnorkuverk.

Tað kunngjørdi japanski forsætisráðharrin, Fumio Kishida, í morgun.

Við hesum kúvendir Japan í spurninginum um kjarnorku, skrivar Reuters-tíðindastovan.

Í løtuni eru sjey av 31 kjarnorkuverkum virkin í Japan, og av teimum eru trý undir umvæling. 

 

Verk lótu aftur

Flestu kjarnorkuverk í Japan lótu aftur, í kjalarvørrinum av vanlukkuni á Fukushima-kjarnorkuverkinum í 2011, har 10 metrar stórar flóðaldur skolaðu inn yvir kjarnorkuverkið eftir ein stóran jarðskjálvta.

Kjarnorkuverkini skulu vera partur av ætlanini at røkka grønum orkumálum, og at fyribyrgja einari møguligari orkukreppu, eftir ógvusliga príshækkingarnar seinastu tíðina.

Ætlanin er at seta nøkur kjarnorkuverk í gongd aftur, áðrenn veturin kemur, skrivar Reuters.


 

Er kopiera
Nýggjastu sendingar í ÚV
Leygardag 19. juli
Morgunlestur leygardagur 19.juli 2025
194090
Fríggjadag 18. juli
Radio Stjernekilde II - part 6
194670
Fríggjadag 18. juli
Praktikanturin: Bjarki Vang
194673
Fríggjadag 18. juli
RagnarRokk: Erica Stoltz um Heat Lightning
194126
Fríggjadag 18. juli
Morgunlestur fríggjadagur 18.juli 2025
194089
Nýggjastu sendingar í SV