Bretland: Liz ella Rishi

Í eina tíð eru fleiri valevnið sáldað frá, so valið í konservativa Tory-flokkinum nú til endans bara stóð millum Liz Truss og Rishi Sunak.

Úrslitið av atkvøðugreiðsluni verður almannakunngjørt mánadagin, og týsdagin fer Boris Johnson formliga at boða Elizabeth II drotning frá, at hann leggur frá sær.

Liz Truss er stórfavorittur at taka við sum nýggjur konservativur leiðari eftir Boris Johnson, sum eftir hópin av alskyns gølum í juli mánaði mátti boyggja seg fyri innanfloks trýsti og boða frá, at hann legði frá sær.