Valúrslitið í Svøríki ikki endaligt fyrr enn um nakrar dagar

Sviar mugu bíða í nakrar dagar eftir endaliga útslitinum av ríkisdagsvalinum í gjár.

Tað stendur í løtuni fullkomiliga á jøvnum, og einans 47.000 atkvøður eru á muni millum bláa og reyða vongin.

Magdalena Andersson

Úrslitið higartil vísir, at andstøðuflokkarnir hava fingið 175 limir í ríkisdagin, og sitandi stjórnin hjá Magdalenu Andersson og hennara stuðulsflokkar hava fingið 174 ríkisdagslimir.

Svøríki, Val til ríkisdagin

Á borgarliga vonginum eru Moderatarna, Svøríkisdemokratarnmir, Kristindemokratarnir og Liberali flokkurin.

Á reyða vonginum eru Sosialdemokratarnir, Vinstriflokkurin, Umhvørvisflokkurin og Centerflokkurin.

Úrslitið sær í løtuni soleiðis út, tá 94 prosent av atkvøðunum eru taldar:

Kelda: SVF

Reyði vongur: 174 tingsessir.

Blái vongur: 175 tingsessir.

Svøríki, Val til ríkisdagin

47.000 atkvøður á muni

Tað eru bert 47.000 atkvøður á muni ímillum bláa og reyða vongin, og tað er minni enn eitt prosentstig av samlaðu atkvøðunum í Svøríki. Og tí er einki avgjørt, fyrr enn allar atkvøður eru taldar.

Svøríki, Val til ríkisdagin

Hildið verður, at 200.000 brævatkvøður frá svium, sum búgva í øðrum londum, eru eftir at telja, og tað verður ikki gjørt fyrr enn mikudagin. Og ikki fyrr enn tá verður endaliga úrslitið greitt.

Sitandi forsætisráðharrin, Magdalena Anderson, veit tí ikki enn, um hon kann halda fram sum forsætisráðharri saman við stuðulsflokkunum.

Svenski javnaðarflokkurin er framvegis størsti flokkurin í svenskum politikki.

Svøríkisdemokratarnir stóri vinnarin

Størsti flokkurin á bláa vonginum er Svøríkisdemokratarnir, sum standa til at fáa 20,7 prosent av atkvøðunum, og flokkurin væntar sær stóra ávirkan á svenskan politikk.

Svøríki, Val til ríkisdagin

Higartil hevur eingin flokkur viljað samstarvað við Svøríkisdemokratarnar, tí har sigast at hava verið ov nógv víðgongd fólk uppií.

Men nú ber neyvan til at sleppa uttan um Svørísdemokratarnar, um talan verður um eina borgarliga samgongu.