Nord Stream: Hava staðfest tríggjar lekar

Felagið Nord Stream 1 og 2 boðar í dag frá, at tveir lekar aftrat eru staðfestir í Nord Stream 1 og 2-gassleiðingunum í donskum og svenskum sjógvi.

Ein leki var staðfestur í gjár.

Talan er sostatt um tríggjar lekar í eitt samdøgur.

- Tað er illgrunasamt, sigur hernaðargreinarin hjá danska verjuakademinum, Anders Puck Nielsen, nú tveir lekar aftrat eru staðfestir í Nord Stream 2-gassleiðingini:

Nord Stream 2, Nord Stream, gassleiðing úr Russlandi

(Mynd: Ritzau Scanpix)

Russiska stjórnin vísir ikki aftur, at talan kann vera um sabotasju. 

- Einki kann útihýsast beint nú, sigur russiska stjórnin, sum krevur, at málið verður kannað alt fyri eitt, tí tað kann ávirka veitingartrygdina til alt meginlandið.