H71 tryggan sigur í Eysturríki

H71 vann við sjey málum á eysturríkska SC Ferlach, og tryggjaði sær gott útgangsstøði til seinna EHF Evropa Cup-dystin, sum verður í kvøld.

Avrikið hjá H71 var sannførandi, og stinna verjuspælið og orkan seint í dystinum vóru avgerandi, skrivar heimasíðan hjá H71. 

Seinni Evropa Cup-dysturin ímóti SC Ferlach verður eisini spældur í Eysturríki, og við sjey máls fyrimuni er nógv, sum bendir á, at kvinnurnar úr Hoyvík fara at spæla seg víðari.

Dysturin er klokkan 18.00 og kann síggjast á live.hsf.fo.

Síðsta kappingarár spældu tær seg allan vegin í fjórðingsfinaluna í kappingini.