- Tíðindi, mentan og ítróttur
Fleiri enn 800 fólk deyð í Egyptalandi seinastu dagarnar
Fleiri enn 800 fólk deyð í Egyptalandi seinastu dagarnar
Ófriðurin í Egyptalandi seinastu dagarnar hevur kravt í minsta lagi 830 mannalív, sigur egyptiska tíðindastovan Mena sambært stjórnarkeldum
Frá ófriðinum í Kairo í farnu viku
19.08.2013 - 13:42
Aftrat teimum deyðu, eru nógv løstað. Stjórnarkeldur tosa um eini 500 fólk, meðan aðrar keldur siga frá í minsta lagi 2000 løstaðum.
Aftur gerandisdagur
Um vikuskiftið gekk lívið aftur sína vanligu gongd í Kairo, eftir at ófriðurin kyrknaði aftur mikudagin. Harðir samanbrestir hava verið millum ttrygdardeildir og viðhaldsfólk hjá frákoyrda forsetanum, Mohammed Mursi, í Muslimska Brøðralagnum.
Herurin rak Morsi frá valdinum 3. juli, og síðani hava viðhaldsfólk hjá frákoyrda forsetanum hildið til í miðbýnum í Kairo, har tey hava kravt, at Morsi aftur verður forseti.
Mikudagin var ovboðið hjá herinum, sum gav boð um at rudda legurnar við Morsi-viðhaldsfólkunum.
Er kopiera
Nýggjastu sendingar í ÚV
Nýggjastu sendingar í SV
