Vindmyllurnar á Gellingarkletti klárar at framleiða streym

Vindmyllurnar hjá Effo og Røkt á Gellingarkletti í Suðurstreymi eru nú lidnar og klárar at gera streym.

Í tí sambandi verður almenn móttøka seinnapartin fríggjadagin á Gellingarkletti. 

Sambært Effo og Røkt kunnu vindmyllurnar gera eins nógva orku og øll vatnorkuverk í Føroyum. 

Tær kunnu gera ein fjórðing av tí streymi, sum verður brúktur í Føroyum.

Hann svarar til 20.000 tons av tungolju um árið, sum eru 62.000 tons av CO2 útlátið.

Tær seks myllurnar á Gellingarkletti eru tær størstu í Føroyum.

Tornið á hvørjari vindmyllu er 91,5 metrar høgt og veingjaspennið er 117 metrar.

Hvør mylla vigar 450 tons.