Løgmaður skal hava nýggjan samskiftisráðgeva

Løgmansskrivstovan søkir nú eftir fólki at hjálpa komandi løgmanni.

Hon lýsir leyst eitt samskiftisstarv, sum skal setast 1.mars næsta ár. 

Freistin at søkja starvið er til 2.januar á middegi. 

Tey, sum søkja, skulu duga væl at skriva og fáa ein boðskap greitt út.

Tey skulu duga at seta fangandi orð á eitt stórt og torført politiskt mál og eina lítla runda føðingardagsheilsan.

Samskiftisráðgevin skal skriva røður, talubitar og frágreiðingar og umseta hugskot og hugsjónir hjá løgmanni til røður og talubitar. 

Hann skal hjálpa við øðrum samskiftismálum, til dømis røkja heimasíðu, innannet og sosialar miðlar.