Byggja íbúðir í Leirvík

Eysturkommuna fekk nøkur tilboð, nú eitt grundøki í Leirvík til íbúðarbygging var til sølu.

Býráðið fer 26.januar at gera av, hvør sleppur at keypa.

Grundøkið er í Fløtugerði. Tað er 1215 fermetrar, og verður selt fyri 182 túsund og 250 kónur, fyri 150 krónur fermeturin.

Per Martin Gregersen, borgarstjóri, væntar, at bygdar vera átta til tíggju íbúðir.

Í útbjóðingartilfarinum setti kommunan sum treyt, at byggingin skal vera fjølbroytt við ymiskum íbúðarstøddum, og allar skulu hava gott útsýni.

Talan kann vera um eigaraíbúðir, leiguíbúðir ella lutaíbúðir.