Nýggja landsstýrið hevur fyrsta fundin í dag

Fyrsti vanligi landsstýrisfundurin hjá nýsetta landsstýrinum er fyrrapartin í dag.

Tvey lógaruppskot eru á skránni.

Annað er um at leingja tíðarskeiðið, har fólk fáa meirvirðisgjaldið aftur, tá tey keypa ein nýggjan elbil. Ætlanin er, at tað skal vera afturvirkandi til 1.januar í ár.

Ikki neyvt tað sama

Aksel V. Johannesen, løgmaður, sigur, at uppskotið er ikki neyvt tað sama, sum undanfarna samgonga kom við. Hvørjar broytingar eru, vil hann ikki siga nú.

Hitt er uppskotið um at yvirtaka farsóttarmálsøkið.

Tað verður sama uppskot, sum undanfarna landsstýri kom við í løgtingið.

Fund hvønn týsdag

Uppskotið um fíggjarlóg fyri 2023 skal fyri løgtingið 14.februar, hevur landsstýrið sett fær fyri. 

Hetta landsstýrið ætlar, júst sum tað undanfarna, at hava fund týsdagar.