Aksel við Mette: Gev okkum størri uttanríkispolitiskt rásarúm

18.01.2023 - 08:25
AktueltPolitikkur
Aksel við Mette: Gev okkum størri uttanríkispolitiskt rásarúm
Avmarkingar í uttanríkispolitisku lógini, sum landsstýrið vil beina burtur, vóru á skránni, tá løgmaður hitti forsætisráðharran í Keypmannahavn í gjár
Aksel V. Johannesen, løgmaður, og Mette Frederiksen, forsætisráðharri
Mynd: Løgmansskrivstovan  
 

Aksel V. Johannesen, løgmaður, og Mette Frederiksen, forsætisráðharri, hittust seinnapartin í gjár í Forsætismálaráðnum í Keypmannahavn.

Ovast á skránni til fundin vóru avmarkingarnar í uttanríkispolitisku lógini, sum landsstýrið vil beina burtur, so at Føroyar meira enn nú kunnu røkja síni áhugamál úti í heimi. 

"Eg gjørdi vart við, at fleiri landsstýri ferð eftir ferð hava víst á tørvin at broyta uttanríkispolitisku lógina, men tað gongur seint at fáa framt hesar broytingarnar," sigur Aksel V. Johannesen, løgmaður.


Mette Frederiksen, forsætisráðharri, og hennara nýggja stjórn, sum longu er komin í mótvind orsaka av ætlanin at avtaka dýrabiðidag / Mynd: Ritzau-Scanpix

 

Størri rásarúm

Málið er enn sum áður at vinna Føroyum størri uttanríkispolitiskt rásarúm á økjum, sum Føroyar sjálvt hevur ábyrgdina av. 

"Okkara uttanríkispolitisku áhugamál eru ikki altíð tey somu, sum Danmark hevur, tí millum annað ræðið á handils- og fiskivinnupolitikkinum er flutt til ES," sigur Aksel V. Johannesen, løgmaður.

Er kopiera
Nýggjastu sendingar í ÚV
Hósdag 28. september
Morgunlestur hósdagur 28. september 2023
163208
Mikudag 27. september
Søgan um Waylon Jennings (4:6)
163441
Mikudag 27. september
Merking 3. partur
163421
Mikudag 27. september
Góðan morgun Føroyar 27.09.23
163413
Nýggjastu sendingar í SV
Týsdag 26. september
Veðrið
163385
Mánadag 25. september
Møti úr Vitninum í Hvalba
163262
Sunnudag 24. september
Andakt við Ellindi Abrahamsen
163261
Fríggjadag 22. september
Veðrið
163197
Hósdag 21. september
Vit eru enn til
163137