Pólland kann senda týskar stríðsvognar til Ukraina

Pólland kann senda týskar stríðsvognar til Ukraina
Týskland hevur higartil drálað við avgerðini
Týskland fer ikki at forða fyri, at Pólland sendir týskt-framleiddar stríðsvognar til Ukraina. (Savnsmynd: Ritzau Scanpix)
 
23.01.2023 - 10:25

Týskland fer ikki at leggja meinbogar í vegin, um Pólland vil lata Ukraina sínar týskt-framleiddu stríðsvognar.

Tað segði týski uttanríkisráðharrin, Annalena Baerbock, í gjárkvøldið. 

Hetta eru greiðastu boðini higartil úr Týsklandi um, at landið er sinnað at veita Ukraina hjálpina, tey hava biðið um.

Ukraina hevur leingi biðið um at fáa tungar stríðsvognar fyri at venda krígsgongdini, men tann stuðulin er ikki komin enn.

 

Annalena Baerbock er uttanríkisráðharri í Týsklandi.

 

Týskland skal geva loyvi

Flestu NATO-londini í Evropa hava týskt-framleiddar stríðsvognar, og fleiri teirra vilja veita Ukraina stríðsvognarnar, men loyvi krevst frá Týsklandi til tess.

Higartil hevur Týskland drálað við at taka hesa avgerð.

Pólland hevur funnist hvassliga at Týsklandi fyri at drýggja avgerðina um stríðsvognarnar. Og spurd beinleiðis í fronskum sjónvarpi, hvat hendir, um Pólland fer at veita Ukraina týsku stríðsvognarnar uttan samtykki frá Týsklandi, svararði Annalena Baerbock, at enn er spurningurin ikki komin, men um tey verða spurd, fara tey ikki at seta seg ímóti tí.

Er kopiera
Nýggjastu sendingar í ÚV
Sunnudag 26. januar
Dansival
186889
Sunnudag 26. januar
Møti: Møti úr Vitinum í Hvalba
186890
Sunnudag 26. januar
Guðstænasta í Viðareiðis kirkju
186874
Sunnudag 26. januar
Bolero - 26. januar 2025
186872
Nýggjastu sendingar í SV
Sunnudag 26. januar
Guðstænasta á Viðareiði
186881
Fríggjadag 24. januar
Veðrið
186817
Hósdag 23. januar
Heim, kæra heim (1:3)
186749
Týsdag 21. januar
Veðrið
186636
Sunnudag 19. januar
Guðstænasta úr Hvannasunds kirkju
186535