Tjaldur farið í fíggjarnevndina

Fíggjarmálaráðið hevur biðið fíggjarnevndina hjá løgtinginum um at inntøkuføra 15,8 mió. kr. í uppskotið um broytingar í bráðfeingis játtanarlógini fyri 2023.

Talan er um partabrøvini hjá landinum í Tjaldri, sum vera seld hægstbjóðandi fyri 16,1 mió. kr.

Men tað kostar at selja partabrøv, so 300.000 kr. vera drignar frá.

Fíggjarmálaráðið væntaði fyrst at fáa 18,2 milliónir fyri partabrøvini.

Grannskoðanarvirkið Januar, sum selur partabrøvini fyri landið, metti, at ognarparturin hjá landsstýrinum er verdur 18,2 til 23,1 mió.kr.

Landið eigur 2,8 prosent í Tjaldri.