Putin heldur røðu í morgun

Klokkan níggju í morgun fer russiski forsetin, Vladimir Putin, at halda røðu, og russisku miðlarnir bíða í spenningi.

Í gjár setti russiska tíðindarásin Rossiya 24 eina niðurteljing á sjónvarpsskíggjan.

Russiski forsetin fer at halda røðu í yvirhúsinum í russiska lóggávutinginum, og har plagar hansara tóni at vera harður.

Seinast, hann helt røðu har, var 21. apríl í 2021, tað er eitt ár fyri innrásina í Ukraina.

Tá tosaði Vladimir Putin um eina evropeiska trygdarkreppu. Hann ákærdi Ukraina fyri at vera í holt við at útvega sær kjarnorkuvápn, og hann segði, at hann ikki longur hevði álit á Vesturheiminum.

- Hvussu leingi aftrat kanst tú finna finna teg í hesum, spurdi russiski forsetin tá.