Tvey uppskot um tøkugjald á veg

Løgtingið fær tvey uppskot um tøkugjald hjá alivinnuni í vár.

Á fiskivinnutinginum í Klaksvík í gjárkvøldið segði Bárður á Steig Nielsen, formaður í Sambandsflokkinum, at flokkurin mánadagin fer at lata løgtinginum uppskotið um tøkugjald, sum undanfarna samgonga legði fram í september í fjør. Men tað datt burtur, tá boðað var frá vali.

Ruth Vang, landsstýriskvinna í fíggjarmálum, segði, at samgongan kemur eisini við einum uppskoti um tøkugjald.

Hon vildi ikki siga, hvat fer at standa í tí.

Hoyr Bárð á Steig Nielsen og Ruth Vang:

Seinasti framløgudagur í hesari tingsetuni er 7.mars.

Sambært ætlan verður seinasti tingfundur 10.mai, tá ófráboðaðir fyrispurningar eru á skránni.