- Tíðindi, mentan og ítróttur
Biden og Scholz hittast í Washington
Biden og Scholz hittast í Washington
Ukraina og Kina standa ovast á breddanum, tá amerikanski forsetin og týski samveldiskanslarin hittast í Hvítu húsunum í dag
Olaf Scholz er týskur samveldiskanslari.
Mynd: Ritzau Scanpix
03.03.2023 - 08:22
Kríggið í Ukraina verður høvuðsevnið, tá ið amerikanski forsetin, Joe Biden, og týski samveldiskanslarin, Olaf Scholz, hittast í Washington í dag.
Teir fara helst eisini at tosa um Kina.
Fundurin verður í Hvítu húsunum og varir í ein tíma, upplýsir eitt amerikanskt embætisfólk.
Joe Biden, forseti. (Mynd: Ritzau Scanpix)
- Yvirskipaða málið við fundinum er, at teir skulu samskipa ætlanir sínar í sambandi við Ukraina. Men tað er sjálvandi ein møguleiki fyri, at tosað eisini verður um Kina, sigur embætisfólkið.
Seinast, Scholz vitjaði Washington, var stutt fyri russisku innrásina í Ukraina í fjør.
Í gjár heitt hann á Kina um ikki at senda Russlandi vápn. Lond í Vesturheiminum stúra fyri hesum, og hann heitti á Kina um at leggja trýst á Russland um at enda kríggið.
Kina hevur víst aftur, at ætlanir eru um at senda Russlandi vápn.
Er kopiera
Nýggjastu sendingar í ÚV
Nýggjastu sendingar í SV
