- Tíðindi, mentan og ítróttur
Handverksmeistarar: Krav um avkast ger ikki leiguna dýrari
![](https://kvf.fo/sites/default/files/styles/grein-ovasta-mynd/public/fullsizeoutput_1d5f.jpeg?itok=KU68NfYg)
Hoyringarfreistin er ikki farin enn, men Føroya handverksmeistarafelag hevur longu sagt sína hugsan um broytingina í lógini um Húsalánsgrunnin.
Tað er ikki rætt, at avkastkrav ger leiguna hægri, tí so høvdu Bústaðir longu havt lægri leigu, sigur Handverksmeistarafelagið.
Bústaðir kundu byrja við at bjóða fleiri av sínum verkætlanum út millum byggifyritøkurnar. Hetta hevði givið lægsta prísin fyri verkætlanina og lægri leigu, vísir felagið á.
Føroya handverksmeistarafelag heitir staðiliga á Bústaðir um nettupp at samstarva við privat fyri at gera, sum felagið sigur, fleiri, betri og eisini bíligari leigubústaðir.
Handverksmeistarafelagið tekur tó undir við, at tað ikki longur verður eitt krav hjá Bústøðum at samarbeiða við privatum.