Vísir aftur at dátur enda hjá kinesiskum myndugleikum

Stjórin í Tiktok, Shou Zi Chew, vísir aftur, at dátur hjá amerikanskum Tiktok-brúkarum endar hjá kinesiskum myndugleikum.

Hann varð avhoyrdur í amerikonsku kongressini í gjár. 

TikTok-stjórin vísti á, at hann var føddur í Singapore, hevði lisið í Onglandi og USA, og avsannaði allar ákærur um, at kinesiska stjórnin stýrir TikTok.

- Vit marknaðarføra og strika ikki tilfar eftir umbøn frá kinesisku stjórnini, segði Shou Chew millum annað. 

TikTok

Verjugarður fyri 1,5 mia. dollarar

Hann greiddi frá, at TikTok hevur nýtt hálva aðru milliard dollarar at menna ein verjugarð, sum skal syrgja fyri, at dátur frá amerikonskum brúkarum eru vardar í USA.

Tað er kinesiska fyritøkan, ByteDance, sum eigur TikTok.

Fleiri lond stúra fyri, at TikTok-appin hevur atgongd til persónligar dátur, sum kunnu misbrúkast. Harumframt er Tiktok ákært fyri at ikki verja børn og ung nógv væl móti skaðiligum tilfari. 

Í Føroyum og øllum norðurlondum hava politikarar og onnur alment sett starvsfólk fingið boð um at strika appina.