Týskland bjóðar ES-avgerð av

Fyrr í mánaðinum setti týska stjórnin fram krav um, at ES eisini eftir 2035 skal loyva at selja bilar, sum brúka sonevnt e-fuel.

E-fuel er eitt syntetiskt brennievni, gjørt av CO₂ og hydrogen, og øll orkan kemur frá varandi orkukeldum.

Men e-fuel førir til nógv CO₂-útlát og er tí ikki so grønt, sum tað ljóðar.

Hóvar ES illa
Vanligt er, at tá ES-nevndin og ES-tingið eru vorðin samd um nakað, verður málið roknað sum liðugt og verður ikki tikið upp aftur.

Tí er tað ikki fallið í góða jørð í ES, at Týskland nú kortini roynir at broyta samtyktina, tí tað kann føra til, at onnur lond eisini fara at seta nýggj krøv.

ES hevur sum mál at vera CO₂-neutralt í 2050, men í fjør vóru bert 12,1 prosent av øllum seldum bilum í ES elbilar, skrivar norska kringvarpið, NRK.