Hitabylgja í Nuuk

Í fjør var mesti hiti máldur í Nuuk í mars 5,6 hitastig, men tann 4. mars í ár vórðu máld heilt upp í 15,2 hitastig.

Í mars mánaði í fjør var støðan tann øvuta, tí tá var millum 1,3 og 4 stig kaldari enn vanligt í Nuuk. So broytingin er rættiliga stór.

Og sambært grønlendska kringvarpinum sigur veðurstovnurin, DMI, at góða veðrið við lýðku og sól í Nuuk fer at halda sær mánaðin út.