Pætur og AMO vunnu uppflyting

Uppflytingin gjørdist veruleiki í gjárkvøldið, tá ið Pætur og teir á heimavølli vunnu ein sannførandi 44-33 sigur á Rimbo.

In.fo skrivar, at AMO við sigrinum vinnur næstbestu svensku deildina við 44 stigum, sum er tvey meira enn Karlskrona á næstfremsta plássi, og tí flytur AMO beinleiðis upp í Allsvenskan.

Pætur Mikkjalsson, sum serliga hevur verið ein av álitisspælarunum í verjuni, verður tó ikki verandi í AMO næsta kappingarár, tí hann leitar sær eftir øðrum avbjóðingum.

Nógv bendir tó á, at hann heldur fram í svenskum hondbólti og helst í bestu deildini, har bæði Óli Mittún í Sävehof og Rói Ellefsen á Skipagøtu í Hallby eisini eru at síggja næsta kappingarár.