Netanyahu koyrt verjumálaráðharran frá

- Hetta er ein greiður og ítøkiligur vandi fyri ríkistrygdina, og tað vil eg ikki eiga lut í.

Tað segði ísraelski verjumálaráðharrin, Yoav Gallant, sum leygardagin tók almenna frástøðu frá umstríddu ætlanini hjá ísraelsku stjórnini, um at minka um týdningin av hægstarætti í landinum.

Í gjárkvøldið koyrdi Benjamin Netanyahu, forsætisráðhari, verjumálaráðharran frá, men tað hevur ikki minkað um atfinningarnar móti honum.

Yoav Gallant

Yoav Gallant, verjumálaráðharri, er koyrdur frá. (Ritzau Scanpix)

Tvørturímóti halda mótmælini í Ísrael fram. Sambært løgregluni vóru 150 mótmæli ymsastaðni í landinum, m.a. uttan fyri bústaðin hjá Netanyahu.

Í morgun hevur forsetin í Ísrael, Isaac Herzog, mælt stjórnini til beinanvegin at sleppa ætlaðu rættarnýskipanini, sum eftir ætlan skal atkvøðast um í ísraelska parlamentinum í hesi vikuni.