Aggrasoppar og Tormóður vunnu fyrsta umfar

Aggrasoppar og Tormóður komu víðari í tónleikakappingini Sement í gjárkvøldið.

Um Aggrasoppar søgdu dómararnir millum annað, at konseptið var gjøgnumført, bæði musikalskt og visuelt.

Tormóður fekk skotsmálið, at bólkurin hevði stýr upp á sítt sound, og konseptið var sannførandi.

Seks bólkar og einstaklingar vóru við í umfarinum í gjárkvøldið. 

Tey vóru Aggrasoppar, Volapück, Nafro, Simona, Brak og Tórmóður.

Trý umfør

17 bólkar og einstaklingar eru við í Sement.

Tey eru í trimum undanumførum.

Næsta umfar verður 15.apríl.

Eisini tað verður sent í sjónvarpinum hjá Kringvarpinum.

Finalan verður 29.apríl.