Lokal list við Gøtugjógv

Í dag klokkan 15 letur upp listaframsýning í fimleikahøllini í skúlanum við Gøtugjógv.

Tað eru lokal listafólk - bæði yngri og eldri - sum sýna fram, og talan er um málningar, tekningar, glaslist og aðra tøkni. Fleiri av listafólkunum hava verið við til hesa árligu páskaframsýning í mong ár, men summi sýna nú fram fyri fyrstu ferð, skrivar Eysturkommuna í tíðindaskrivi.

Framsýningin er fjølbroytt innihaldsliga við bæði keiputekningum, sci-fi, náttúrumyndum, still-leben og øðrum listastílum.