Sjey fyritøkur Undir Hamri

Klaksvíkar kommuna hevur skrivað út sjey vinnugrundstykki Undir Hamri við Borðoyavík. Tað upplýsir Karl Johansen, borgarstjóri í Klaksvík, fyri Norðlýsinum.

Fyritøkurnar EL-IN, Malltek, KBI, Norðhús, Askham Bussar og Kjølur hava fingið skjeyti upp á síni stykki.

Sjeynda fyritøkan, Looknorth, hevur eisini sent inn umsókn um at sleppa at byggja á sínum stykki.

Stykkini eru á ídnaðarøkinum sunnast við bátahylin á Borðoyavík, sum upprunaliga skuldi vera 15.000 fermetrar til víddar, men seinni varð økt upp í 21.585 fermetrar.