- Tíðindi, mentan og ítróttur
Rýma úr ófriðarliga Sudan
Rýma úr ófriðarliga Sudan
USA og Frakland eru farin at flyta sendifólk og sivilfólk úr afrikanska landinum Sudan.
Ófriðurin í Sudan fær nú USA og Frakland at flyta fólk úr afrikanska landinum
Mynd: Sudan Tribune
23.04.2023 - 10:14
Í gjárkvøldið sendi USA seks flogfør til Sudan eftir sínum ríkisborgarum, og Frakland flytir eisini sínar ríkisborgarar – og fólk úr øðrum evropeiskum londum, burtur úr Sudan.
Seinastu vikuna hava verið ógvusligir samanbrestir í høvuðsstaðnum Khartoum millum sudanska stjórnarherin og hernaðarliga bólkin Rapid Support Forces, RSF.
Í oktober í 2021 framdu stjórnarherurin og RSF í felag eitt statskvett í Sudan, og síðani tá hevur landið verið stýrt av einum ráðið við herovastum. Men nú eru partarnir ósamdir um, hvussu landið skal stýrast í komandi tíðum.
Sambært Uttanríkismálaráðnum eru umleið 30 danskir ríkisborgarar í Sudan.
Er kopiera
Nýggjastu sendingar í ÚV
Nýggjastu sendingar í SV
