15.000 milliardir til vápn

Heimsins samlaðu hernaðarútreiðslur í 2022 vóru 2.240 milliardir dollarar - tað eru meir enn 15.000 milliardir krónur.

Tað sigur svenski friðargranskingarstovnurin, Sipri, sambært NRK.

Sambært AFP svarar upphæddin til 2,2 prosent av allar bruttotjóðarúrtøku í heiminum.

Hetta er áttanda árið á rað, at heimsins hernaðarútreiðslur seta met.

Ukraina og Eysturasia

Vøksturin hesaferð kemst av krígnum í Ukraina og økta spenninginum í Eysturasia, serliga við Taivan.

USA stóð fyri 39 prosentum av heimsins hernaðarútreiðslum í 2022. Kina átti 13 prosent. Síðan koma Russland við 3,9 prosentum, India við 3,6 prosentum og Saudiarabia við 3,3 prosentum.

Heimsparturin við størst vøkstri í hernaðarútreiðslum var Evropa, har útreiðslurnar vuksu 13 prosent.

Í Suður- og Miðamerika minkaðu hernaðarútreiðslurnar, og fleiri afrikansk lond minkaðu eisini sínar hernaðarútreiðslur, skrivar NRK.