Hjálparvenjarin gevst eftir EM-undankappingina

Hjálparvenjarin hjá føroyska hondbóltslandsliðnum við monnum, Lars Møller, fer úr starvinum eftir EM-undankappingina.

Hann skal standa á odda fyri menningardeildini í danska hondbóltssambandinum, skrivar HSF. 

Málmansvenjarin og fysioterapeuturin, Tom Jensen, hevur hinvegin longt sáttmálan.

 - Vit hava verið serstakliga væl nøgd við arbeiðið og úrslitini hjá Lars, sigur Hans Jón Thomsen, stóri í HSF.

Fyri kortum varð kunngjørt, at høvuðsvenjarin, Peter Bredsdorff-Larsen hevði longt sáttmálan til og við EM 2026-kappingina, og Hondbóltssambandið er farið at leita eftir hjálparvenjara til A-landsliðið.