Fleiri russisk álop í Ukraina

Russisk luftálop hava rakt býir ymsastaðni í Ukraina, eisini høvuðsstaðin Kyiv. Í minsta lagi níggju fólk hava latið lív.

Teirra millum ein mamma og trý ára gamla dóttir hennara í býnum Dnipro, sambært borgarstjóranum í býnum.

Fýra fólk doyðu og 17 vóru særd í býnum Uman, miðskeiðis í landinum, tá rakettir rakru eitt bústaðarøki, skrivar bretska kringvarpið.

Ukraina, kríggj í Ukraina - Mynd: Ritzau Scanpix

(Mynd: Ritzau Scanpix)

Tað hava eisini verið spreingingar í býnum Kremenchuk og Poltava, sambært tíðindastovuni Interfax.

Hetta er fyrstu ferð í 51 dagar, at høvuðsstaðurin Kyiv er raktur av luftálopi.

Einki er frætt um, at sivilfólk hava fingið skaða í Kyiv.

Álopið rakar, nú tað verður væntað, at ukrainski herurin ger seg kláran til mótálop við nýggjum útbúnaði, eisini stríðsvognum, frá teimum sameindu í vesturheiminum.