- Tíðindi, mentan og ítróttur
Føroysku fótbóltskvinnurnar skulu eystureftir
Føroysku fótbóltskvinnurnar skulu eystureftir
Føroyska fótbóltslandsliðið við kvinnum skal spæla ímóti Aserbadjan, Montenegro og Kýpros í fyrstu Nations League-kappingini, sum byrjar í heyst
Spanska Verónica Boquete úr Fiorentina hjálpti til við lutakastinum í dag
Mynd: FSF
02.05.2023 - 13:19
Føroyar skulu royna seg ímóti Aserbadjan, Montenegro og Kýpros, tá fyrsta Nations League-kappingin fyri fótbóltslandslið við kvinnum verður seinni í ár.
Tað er greitt eftir lutakastið á middegi.
Teir seks dystirnir í bólkaspælinum verða spældir í trimum umførum í ávíkavist september, oktober og desember. Finalurnar verða á vári 2024, skrivar FSF.
Fyri kortum setti Fótbóltssambandið nýggjan venjara, eftir at Lene Terp segði seg úr starvi. Signe Pries Andersen byrjar formliga í landsliðsvenjarastarvinum í juni, men var til staðar til lutakastið í dag.
Í fleiri umførum hava føroysku landsliðsspælararnir gjørt vart við, at Nations League-kappingarskipanin hóskar Føroyum betri enn vanliga undankappingarnar.
Er kopiera
Nýggjastu sendingar í ÚV
Nýggjastu sendingar í SV
