Sverri róði seg til silvur og EM-pláss

Sverri Sandberg Nielsen fekk silvur og tryggjaði sær samstundis pláss til EM, tá finalan í ársins fyrstu World Cup-stevnu var í Zagreb.

Hetta var fyrsta finalan hjá miðvinginum síðan Olympisku leikirnar í Tokyo fyri nærum tveimum árum síðan, og bert týskarin, Oliver Zeidler, var skjótari á mál.

Kappingin hevði serligan týdning fyri Sverra Sandberg Nielsen og hin danan í finaluni, Bastian Secher, tí teir kappaðust innanhýsis um einskullaraplássið til EM í Slovenia í summar.

Tann dystin vann føroyingurin greitt. Bastian Secher endaði á 5. plássi, góð 10 sekund aftanfyri Sverra Sandberg Nielsen.

World Cup í Zagreb:

1. Oliver Zeidler, 06:46.82
2. Sverri Sandberg Nielsen, 06:49.40
3. Nikolaj Pimenov, 06:54.48
4. Kristian Vasilev, 06:55.21
5. Bastian Secher, 06:59.45
6. Gonzalo Garcia Ferrero, 07:10.42