Gekk ikki hjá Anniku og Nykøbing Falster

Føroyski landsliðsmálverjin, Annika Fríðheim Petersen, tapti í dag finaluna í European League.

Saman við liðfeløgunum í Nykøbing Falster, noyddist hon at taka ímóti silvurheiðursmerkjunum í næststerkastu evropeisku hondbóltskappingini eftir greitt tap fyri Ikast-Herning.

Annika Fríðheim Petersen slapp inn viðhvørt, men Cecilie Greve vardi málið hjá teimum gulu og bláu meginpartin av dystinum, sum endaði 31-24.

Næst á skránni stendur endaspælið í donsku kappingini, har Nykøbing Falster skal spæla hálvfinalur ímóti Odense. Eftir hetta kappingarárið fer føroyski málverjin til Follo, sum kappast í bestu norsku deildini.