Blinken: Svøríki fær Nato-limaskap í summar

Amerikanski uttanríkisráðharrin, Antony Blinken, er vísur í, at Svøríki verður innlimað í Nato fyri Nato-fundin í Vilnius hálvan juli.

Tað segði Blinken á tíðindafundi í sambandi við fundin, sum uttanríkisráðharrarnir í Nato-londunum høvdu í Oslo í gjár.

- Og á tí fundinum kann Ukraina eisini rokna við stórari hjálp, segði hann.

Blinken segði eisini, at USA fer at byggja ein lítlan, diplomatiskan bygning í norðurnorska býnum, Tromsø.

Sambært Blinken fer hesin bygningur at vísa á diplomatisku hjáveruna hjá USA við norðurpólskringin.

Í dag hittir Blinken finska forsætisráðharran, Sannu Marin, og uttanríkisráðharran, Pekka Haavisto. 

Tey skulu m.a. tosa um uttanríkis- og trygdarmál, russiska kríggið í Ukraina og viðurskifti, sum hava við Nato at gera.