Kommunur kunnu stovna bústaðafeløg saman við Bústøðum

Kommunur fáa skjótt loyvi til saman við Bústøðum at stovna, byggja og reka almannagagnlig  bústaðarfeløg.

Tað er í øllum førum ætlanin hjá Ingilín D. Strøm, landsstýriskvinnu.

Lógaruppskotið um tað kemur væntandi í heyst.

Landsstýriskvinnan hevur svarað spurningi frá Jóhannisi Joensen, løgtingsmanni, um kommunur og bústaðir og um kommunalar veitingar til húsini hjá teimum, sum ikki búgva í kommununi.

Ingilín D. Strøm svarar, at sambært Løgmálaráðnum kemur lógaruppskot, sum skal loyva kommunum at áseta gjøld fyri tænastuveitingar til húsaeigarar, sum ikki búgva í kommununi, í næstu tingsetu.