Kjak um Eysturoyartunnilin í sjónvarpinum

Skal Eysturoyartunnilin gerast sum ein privat loysn, almenn partafelagsloysn ella ein almenn/privat loysn?

Ein embætisbólkur hevur júst latið landsstýrinum eitt tilmæli, har tey í fyrsta lagi mæla til eina almenna partafelagsloysn og í øðrum lagi til eina almenna/privata loysn, men arbeiðsbólkurin tekur als ikki møguleikan um eina privata loysn við í sínum tilmæli.

Kári P. Højgaard, fyrrverandi landsstýrismaður, og Páll á Reynatúgvu, framsøgumaður hjá Tjóðveldi í tunnilsmálinum, fara at kjakast í sjónvarpsstovuni eftir Dag&Viku í kvøld. Beinta Løwe Jacobsen er vertur.