Væntar fleiri milliónir í yvirskoti í ár

BankNordik væntar størri vinning í ár enn hann higartil hevur gjørt.

Í fráboðan til keypsskálan í gjár sigur bankin, at nettoúrslitið í ár verður millum 235 og 265 mió. kr.

Fyrr hevur bankin sagt millum 210 og 240 mió. kr. 

Orsøkin til hækkingina er fyrst og fremst størri vón um grundleggjandi raksturin, tí rentan er hækkað.

Ein onnur orsøk er, at neyðugt er ikki at seta so nógv av móti tapi, tí viðskiftafólk bankans eru  betur før enn væntað fyri at standa ímóti trýstinum frá inflasjónini.

BankNordik kunnger roknskapin fyri fyrra hálvár 3.august.