U21-HM: Kunnu spæla seg í fjórðingsfinaluna longu í dag

Tá Føroyar fara á vøllin í Swiss Life Hall ímóti Brasil klokkan 17:00 føroyska tíð, er greitt, um fjórðingsfinalupláss kann tryggjast longu í dag ella ikki. 

Um Spania missir stig ímóti Portugal í fyrra dystinum í føroyska bólkinum, meðan Elias á Skipagøtu og hinir U21-menninir fáa fult ímóti Brasil, er víðari luttøkan í HM-endaspælinum nevniliga tryggjað.

Føroysku menninir hava verið millum bestu liðini í kappingini higartil, og sigurin á Spania fríggjadagin skakaði hondbóltsheimin. Í dag eru veddingarfyritøkurnar samdar um, at Føroyar eru greiður favorittur ímóti suðuramerikanarunum.

Kringvarpið sendir dystin ímóti Brasil í sjónvarpinum klokkan 16:50.