Emerald á veg til Føroya

Trolarin Emerald, sum er bygdur í Turkalandi, er nú á veg til Føroya.

Sambært heimasíðuni Vesselfinder er hann í løtuni staddur sunnan fyri Grikkaland.

Emerald er longu skrásettur í Føroyum. P/f Havborg eigur Emerald.

Á sumri í 2020 var sáttmáli undirskrivaður við Tersan Shipyard í Turkalandi um nýggjan verksmiðjutrolara.

Trolarin kann fiska bæði tosk og annan botnfisk og rækju. 

Pláss fyri 40 monnum

Eftir ætlan skal skipið fiska í Barentshavinum. Frystilastin er 2.250 rúmmetrar. Pláss er fyri 40 monnum.

Emerald kostar okkurt um 400 milliónir krónur.

Skipið er nógv seinkað.

Fyri einum ári síðani var sagt, at tað skuldi latast eigarunum 22.november í fjør.