Sverri nummar tvey í World Cup í Lucerne

Sverri Sandberg Nielsen róði seg til 2. plássið í triðju og seinastu World Cup-stevnuni í ár. 

Sterki miðvingurin í einskullaranum mátti aftur hesa ferð síggja týska kappingarneytan, Oliver Ziedler, fara avstað við gullinum.

Týskarin vann í stórum stíli góð sjey sekund frammanfyri Sverra Sandberg Nielsen. Munurin í hálvfinalunum var annars bert eitt sekund.

Hinvegin hevði føroyingurin ikki stórvegis trupulleikar við at halda hinar rógvararnar aftan fyri seg. Tomas Mackintosh endaði á triðja plássið hálvt annað sekund aftanfyri miðvingin, meðan grikski gullvinnarin frá OL í Tokyo endaði aftast.

Í september er HM á skránni, og tá stendur luttøka til OL í París í 2024 eisini upp á spæl.